«Մուրացան» համալսարանական հիվանդանոցային համալիրի ախտորոշիչ կենտրոնի գլխավոր բժշկի տեղակալ, ռենտգեն ծառայության պատասխանատու, բժիշկ- ռենտգենաբան Նունե Գզոյանը ներկայացնում է ռենտգեն ծառայությունում գործող ռենտգեն դենսիտոմետրիայի անհրաժեշտությունը և առավելությունները․
Ախտորոշիչ կենտրոնի ռենտգեն ծառայությունում գործող HOLOGIC DISCOVERY C սարքով կատարվում են թե՛ մանուկների և թե՛ մեծահասակների ռենտգեն դենսիտոմետրիկ հետազոտություն։
Առավելություններն են`
- ցածր ճառագայթային բեռնվածություն
- հասանելի,
- մատչելի,
- արագ
- ինֆորմատիվ:
Ռենտգեն դենսիտոմետրիան օստեոպորոզի ախտորոշման ամենահավաստի մեթոդն է, որը իրենից ներկայացնում է շատ ցածր ճառագայթային բեռնվածությամբ ռենտգենաբանական հետազոտություն (հավասար մեկ թոքերի լուսանցման 1/10-ին): Հետազոտությունը շատ կարևոր է օստեոպորոզի կանխարգելման և վաղ ախտորոշման, ինչպես նաև բուժման արդյունավետության հսկողության համար:
Պարտադիր է՝
- դաշտանադադարի շրջանում գտնվող կանանց,
- 65 տարեկան և ավել տղամարդկանց,
- շաքարային դիաբետ և որոշ էնդոկրին հիվանդություններով տառապող, հորմոնալ դեղամիջոցներ ընդունող, օնկոլոգիան հաղթահարող թե՛ երեխաների և թե՛ մեծահասակների համար։
Հետազոտությունն իրականացվում է՝
- մեծահասակների դեպքում 3 խոցելի անատոմիական հատվածում՝ ողնաշարի գոտկային հատված, կոնքազդրային հոդի և նախաբազկի շրջան,
- երեխաների դեպքում՝ 2 խոցելի հատված որոնք շերտագրելով ստանում ենք միջինացված ցուցանիշ՝ ոսկրերի խտության մասին:
Բժշկուհին պացիենտներին մաղթում է խաղաղություն և առողջություն:
Հերթագրվելու համար կարող եք զանգահարել՝ 011621504, 094811162 հեռախոսահամարներով: