|
  • Русский
  • English

Էնդոկրինոլոգիայի կլինիկա

Էնդոկրինոլոգիայի կլինիկա

Էնդոկրինոլոգիայի կլինիկա

Հեռ․՝ +374 11 62 10 00, ներքին՝ 530, 531, 533

Էլ. հասցե՝ aapedendo@gmail.com

Կայք՝ www.apedea.com

Ղեկավար` Աղաջանովա Ելենա Միխայիլի, բ.գ.դ., պրոֆեսոր

1982թ-ին 4-րդ մանկական հիվանդանոցում հիմնադրվել է մանկական էնդոկրինոլոգիայի բաժանմունքը` Է. Ռ. Փաշինյանի կողմից: 2008թ-ից մինչ օրս էնդոկրինոլոգիայի բաժանմունքը` կլինիկան, ղեկավարում ԵՊԲՀ-ի էնդոկրինոլոգիայի ամբիոնի վարիչ Ե.Մ. Աղաջանովան:

Կլինիկան, որ այսօր գտնվում է ԵՊԲՀ «Մուրացան» հիվանդանոցային համալիրի կազմում, սպասարկում է և մեծահասակներին, և երեխաներին:

Այն հագեցած է ինֆուզամատով, գլիկոզիլացված հեմոգլոբինը որոշող սարքավորումով (Afinion), Գլյուկոզի շարունակական մոնիտորինգի համակարգով (Ipro2), Ուլտրաձայնային դենսիտոմետրով (Sahara) և տեխնիկական այլ միջոցներով:

Էնդոկրինոլոգիական կլինիկան ունի 18 մահճակալ:

Կլինիկան ԵՊԲՀ-ի էնդոկրինոլոգիայի ամբիոնի ուսումնական բազան է:

Այստեղ հետազոտվում, ախտորոշվում և բուժվում են էնդոկրին հետևյալ հիվանդությունները`

  • շաքարային դիաբետ,
  • ոչ շաքարային դիաբետ,
  • վահանաձև գեղձի հիվանդություններ,
  • ճարպակալում,
  • մազակալում,
  • մակերիկամների հիվանդություններ,
  • էնդոկրին այլ հիվանդություններ:

Երեխաների մոտ նաև հետազոտվում, ախտորոշվում և բուժվում են`

  • աճի դանդաղումն ու ֆիզիկական թերզարգացում,
  • սեռական թերզարգացում ու վաղաժամ սեռական հասունացում,

Էնդոկրինոլոգիայի կլինիկայում մշտապես գործում է շաքարային դիաբետի դպրոցը դիաբետով երեխաների, նրանց ծնողների , ինչպես նաև մեծահասակ հիվանդների համար: 2016 թվականից կլինիկայում կատարվում է ինսուլինային պոմպաների տեղադրում և հետևում, ինչպես նաև գործում է  գլյուկոզայի շարունակական մոնիտորինգի ծառայությունը:

«Մուրացան»  համալսարանական հիվանդանոցային համալիրի Էնդոկրինոլոգիայի կլինիկան հանդիսանում է  ՀՀ միակ մանկական էնդոկրին  բաժանմունքը, որին կից գործում է մանկական հանրապետական էնդոկրինոլոգիական դիսպանսերը, որտեղ հաշվառված է տիպ 1 շաքարային դիաբետ ունեցող մոտ 460 երեխա, ինչպես նաև բնածին հիպոթիրեոզ, մակերիկամների կեղևի բնածին դիսֆունկցիա, կարճահասակություն ունեցող երեխաները:

2015-ին էնդոկրինոլոգիայի ամբիոնի և կլինիկայի հիման վրա հիմնադրվել է Մանկական էնդոկրինոլոգների հայկական ասոցիացիան, որի գործունեությունը պետք է ուղղված լինի Հայաստանում մանկական էնդոկրինոլոգիայի զարգացմանը: Ասոցիացիայի հիմնադիրներն են Ելենա Աղաջանովան (նախագահ), Բայբուրդյան Գայանեն, Նավասարդյան Լուսինեն, Առաքելյան Լուսինեն, Մարկոսյան Ռենատան, Իսսա Ֆրեյջ (վերահսկիչ հանձնաժողովի նախագահ), Հակոբյան Սոնա (վերահսկիչ հանձնաժողովի անդամ): Ասոցիացիայի քարտուղարն է   Քալանթարյան Լուսինեն:

Գիտական գործունեությունը

Կլինիկայում գիտական հետազոտությունները կատարվում են հետևյալ ուղղություններով`

  • Երեխաների և դեռահասների մոտ տիպ 1 շաքարային դիաբետի, բարդությունների, առանձնահատկությունների և տարածվածության ուսումնասիրում,
  • Էմբրիոնալ գենեզի պրոտեոգլիկանների պաշտպանիչ էֆֆեկտի ուսումնասիրությունը ենթաստամոքսային գեղձի ինսուլյար ապարատի վրա
  • Աղիքային միկրոֆլորայի դերը արգինազային համակարգում և տիպ 1 շաքարային դիաբետի էթիոլոգիայում
  • ՀՀ տարբեր շրջաններում օստեոպորոզի պատճառների և տարածվածության, պոստմենոպաուզալ շրջանում կանանց մոտ օստեոպորոզով հիվանդացության ուսումնասիրում,
  • Պոլիգլանդուլյար էնդոկրին համախտանիշների ուսումնասիրում,
  • Կլինիկամետաբոլիկ, հորմոնային և ոսկրային փոխանակության առանձնահատկությունները ճարպակալման դեպքում
  • Կարճահասակության ուսումնասիրում
  • Սեռի տարբերակման խանգարում

Համագործակցություն

Էնդոկրինոլոգիական կլինիկան համագործակցում է.

  • Մոսկվայի Համառուսական էնդոկրին գիտական կենտրոնի,
  • Բեռլինի «Շարիտե» համալսարանական հիվանդանոցի մանկական էնդոկրինոլոգիական կլինիկայի,
  • Ուկրաինայի հետդիպլոմային ուսուցման էնդոկրինոլոգիական ամբիոնի,
  • Կալիֆորնիայի հայ-ամերիկյան բժշկական ասոցիացիայի,
  • Բեյ Արեայի հայ-ամերիկյան բժշկական ասոցիացիա,
  • Բազելի, Շվեյցարիա, համալսարանական մանկական հիվանդանոցի,
  • Ավստրիայի Գրաց քաղաքի համալսարանական հիվանդանոցի էնդոկրինոլոգիայի և դիաբետոլոգիայի կլինիկաների հետ,
  • Միացիալ Թագավորության Elizabeth Queen University Hospital ,Glasgow, Royal University Hospital, London:

      Այլ տեղեկություններ

      Կլինիկայի բժիշկների ջանքերով «Երազ» բարեգործական հիմնադրամի և դոնոր-կազմակերպությունների  աջակցությամբ շաքարային դիաբետով երեխաների համար ամեն տարի կազմակերպվում է ամառային  ճամբար:

      «Երազ» բարեգործական հիմնադրամի աջակցությամբ շաքարային դիաբետով հիվանդ երեխաների համար նոյեմբերի 14-ին (Դիաբետի դեմ պայքարի համաշխարհային օր) և հունիսի 1-ին (Երեխաների պաշտպանության համաշխարային օրը) կազմակերպվում են մշակութային միջոցառումներ:

      Բաժանմունքի բժիշկներ

      Ինչպես կարող ենք ձեզ օգնել