Մանկական դիմածնոտային վիրաբուժության և ՔԿԱ կլինիկա

Հեռ․ 010 301000, ներքին՝ 521, 520, 526, 519, 522

Պատասխանատու` Քրիստինա Մարատի Վարդանյան

Կլինիկան հիմնադրվել 1994 թվականին «Նորք-Մարաշ» ԲԿ-ում, որը ղեկավարել է Գ.Ռ. Քոչարյանը: 2002թ․-ին կլինիկան տեղափոխվել է առաջին համալսարանական հիվանդանոց, իսկ 2011թ․-ից «Մուրացան» հիվանդանոցային համալիրում է ծավալում իր լայնամաշտաբ գործունեությունը:

Կլինիկան ԵՊԲՀ-ի ՀՇԿ ֆակուլտետի` դիմածնոտային վիրաբուժության, ստոմատոլոգիական ֆակուլտետի` վիրաբուժական ստոմատոլոգիայի և դիմածնոտային վիրաբուժության, քիթ-կոկորդ-ականջ հիվանդությունների ամբիոնների ուսումնական բազան է:

Կլինիկայում աշխատում է բարձր պատրաստվածությամբ բուժանձնակազմ։ Մասնագետները վերապատրաստվել են Ռուսաստանի Դաշնության, Ֆրանսիայի, Հունաստանի, ԱՄՆ-ի, Լատվիայի, Գերմանիայի առաջնակարգ կլինիկաներում:

Համագործակցություն

Կլինիկան համագործակցում է`

• ՀՀ բոլոր ամբուլատոր և ստացիոնար բուժհաստատությունների,
• Համբուրգ Դյուսելդորֆի համալսարանական կլինիկայի,
• Ռիգա համալսարանական հիվանդանոցի օտօլարինգոլոգիայի բաժանմունքի,
• Ֆրանսիայի Նանտ համալսարանական հիվանդանոցի,
• Փարիզի Ռոտշիլդ հիվանդանոցի հետ:

Գիտական գործունեությունը

Կլինիկայում գիտական հետազոտությունները կատարվում են կլինիկական դեպքերի հիման վրա ներկայացված հոդվածներով, զեկուցումներով: