Մանկական էնդոկրին դիսպանսերային ծառայությունը ղեկավարում է Շողեր Գրիգորյանը
Մանկական էնդոկրինոլոգիական դիսպանսերային ծառայության առաքելությունն է բարձրացնել էնդոկրին համակարգի հիվանդություններ ունեցող երեխաների և դեռահասների բուժօգնության որակն ու հասանելիությունը։
Մանկական էնդոկրինոլոգիան բժշկագիտության առանցքային մասնագիտացում է, որն ուսումնասիրում և բուժում է նորածինների, երեխաների և դեռահասների ներզատիչ համակարգի խանգարումները՝ ներառյալ աճի և սեռական զարգացման հետ կապված խնդիրները։
Մեր հոգատար թիմն աջակցում է երեխաներին և նրանց ընտանիքներին՝ տրամադրելով համապարփակ բուժօգնություն և իրականացնելով երկարաժամկետ հսկողություն հետևյալ հիվանդությունների դեպքում՝
- Տիպ 1 և տիպ 2 շաքարային դիաբետ
- Վահանաձև գեղձի դիսֆունկցիա (հիպո- և հիպերթիրեոզ)
- Մակերիկամների հիվանդություններ
- Վաղաժամ և ուշացած սեռական հասունացում
- Ոսկրային և հանքային փոխանակության խանգարումներ
- Աճի հորմոնի անբավարարություն և աճի այլ խանգարումներ
Մեր նպատակն է ապահովել յուրաքանչյուր պացիենտի անհատականացված բուժում՝ հիմնված ժամանակակից բժշկագիտության վերջին ձեռքբերումների վրա:
