Ամռանը նկատելիորեն հաճախանում են աղիքային վարակները, ինչը պայմանավորված է եղանակային փոփոխություններով և սննդի ու ջրի նկատմամբ նվազ զգոնությամբ։
Ախտորոշիչ կենտրոնի ղեկավար Մարիաննա Գևորգյանի խոսքով՝ համալսարանական կլինիկա են դիմում հետևյալ ախտանիշներով՝ փորացավ, փորլուծություն, ջերմություն:
Երեխաներին ցուցված է կատարել որովայնի սոնոգրաֆիա՝ տարբեր բնույթի պաթոլոգիաները հայտնաբերելու նպատակով՝ թե՛ սուր վիրաբուժական, թե՛ ոչ վիրաբուժական բնույթի։
Բժիշկ-ճառագայթաբանը հորդորում է նշված ախտանշաններն ունենալու դեպքում դիմել մասնագետի, անցնել լաբորատոր և գործիքային հետազոտություններ, ինչպես նաև ուշադիր լինել սննդին, ջրին, չարևահարվել, որոնց հետևանքով կարող են առաջանալ առողջական տարբեր խնդիրներ: