Կրծքով կերակրումը երեխայի առողջ կյանքի սկիզբն է․ մանկաբույժ

Հանրապետությունում օգոստոսի 1-7-ն անցկացվում է կրծքով կերակրման իրազեկման շաբաթ:

Կրծքով կերակրումը երեխայի առողջ կյանքի սկիզբն է: Եթե մայրը որոշում է կայացնում կրծքով կերակրել դա իր դրական ազդեցությունն է թողնում ամբողջ ընտանիքի վրա:

ԵՊԲՀ մանկաբուժության թիվ 1 ամբիոնի դոցենտ, մանկաբույժ Նանե Մնացականյանի գնահատմամբ՝ մայրական կաթը կատարյալ, յուրահատուկ և անկրկնելի սնունդ է երեխայի համար:

«Այն ունի բացառիկ բաղադրություն` հակամանրէային, հակաբորբոքային, իմունակարգավորող գործոններ, կենդանի լեյկոցիտներ, որոնք նպաստում են երեխայի իմունային համակարգի ձևավորմանը»,- նշում է բժիշկը։

Հետազոտությունները փաստում են, կրծքով կերակրումը նվազեցնում է շնչառական վարակների, փորլուծությունների, միջին ականջի վարակների, մանկական լեյկեմիայի, մանկան հանկարծամահության համախտանիշի, աղիների բորբոքային հիվանդությունների, ատոպիկ դերմատիտի, ասթմայի և ճարպակալման ռիսկերը, նպաստում է գլխուղեղի զարգացմանը:

Միաժամանակ պարզվել է, որ 12 ամիս և ավելի կրծքով կերակրումը նվազեցնում է մայրերի 2 տիպի շաքարային դիաբետի, զարկերակյին գերճնշման, կրծքագեղձի և ձվարանների քաղցկեղի զարգացման հաճախականությունը:

Համալսարանական մասնագետն ընդգծում է՝ կրծքով կերակրելու դեպքում ընտանիքը լրացուցիչ գումար չի ծախսում կաթնախառնուրդ գնելու համար, ինչը դրական ֆինանսական ազդեցությունն է ունենում ընտանիքի համար:

ԱՀԿ-ի և ՀՀ ԱՆ-ի կողմից խորհուրդ է տրվում`