Գաստրոսկոպիան մարսողական համակարգի քիչ ինվազիվ հետզոտություն է, որը հնարավորություն է տալիս ուսումնասիրել և գնահատել մարսողական համակարգի վերին հատվածները՝ կերակրափող, ստամոքս և 12 մատնյա աղու դիստալ հատվածների լորձաթաղանթների վիճակը, հայտնաբերել բորբոքումները և խոցերը, նեոպլաստիկ փոփոխությունները և այլն:
Էնդոսկոպիայի բժիշկ Լիլիթ Ալեքսանյանը մանրամասնում է երեխաներին գաստրոսկոպիա կատարելու ցուցումների մասին`
- Պերսիստող էպիգաստրալ ցավ
- Դիսֆագիա
- Սննդից կայուն հրաժարում
- Էպիգաստրալ ցավ կամ դիսկոմֆորտ,որն ուղեկցվում է քաշի կորուստով
- Ռեֆրակտեր Fe դեֆիցիտային անեմիա
- Պորտալ հիպերտենզիա`վարիկոզ երակներ
- ԳէՌՀ
- Օտար մարմին
- Աղեստամոքսային արյունահոսություն
- Կերակրափողի քիմիական այրվածք առաջացնող նյութեր խմելը
Բժշկի խոսքով` համաձայն միջազգային ուղեցույցների, համալսարանական կլինիկայում ևս հետազոտությունը իրականցվում է ընդհանուր անզգայացմամբ՝ հետազոտության բարձր որակի ապահովման, ինչպես նաև պացիենտին անհանգստություն չպատճառելու համար:
Գաստրոսկոպիան «Մուրացան» համալսարանական հիվանդանոցում իրականացվում է ստացիոնար պայմաններում բուժվող հիվանդներին, դժվարամատչելի ուղեգրերով, ինչպես նաև ամբուլատոր հիմունքներով (գաստրոէնտերելոգի ցուցումներով):
Մանրամասների համար կարող եք զանգահարել 010 301000, ներքին՝ 505, 506 կամ 091929297 հեռախոսահամարով: