«Մուրացան» համալսարանական հիվանդանոցի Քիթ-կոկորդ-ականջաբանական ծառայությունում առողջության համընդհանուր ապահովագրության (ԱՀԱ) շրջանակում իրականացվում է քթի միջնապատի ուղղում (սեպտոպլաստիկա) և ստորին քթային խեցիների կրճատում։
Եթե Ձեզ կամ Ձեր երեխային հաճախ անհանգստացնում է քթով դժվար շնչառությունը, հատկապես եթե այն ուղեկցվում է՝
- հաճախակի կամ երկարատև քթային փակվածությամբ,
- գլխացավերով,
- քնի խանգարումներով կամ խռմփոցով,
- օբստրուկտիվ քնի ապնոեի դրվագներով,
- քթի հարակից խոռոչների կրկնվող բորբոքումներով,
- ականջների կրկնվող բորբոքումներով,
ապա պատճառը կարող է կապված լինել քթի միջնապատի ծռվածության և/կամ ստորին քթային խեցիների մեծացման հետ։
ԱՀԱ-ի շրջանակում
Մեր կլինիկայում կարող եք անցնել Քիթ-կոկորդ-ականջաբանի մասնագիտական զննում և անհրաժեշտ հետազոտություններ, իսկ համապատասխան ցուցումների առկայության դեպքում՝ ստանալ վիրաբուժական բուժում։