Գաստրոսկոպիան մարսողական համակարգի քիչ ինվազիվ հետզոտություն է, որը հնարավորություն է տալիս ուսումնասիրել և գնահատել մարսողական համակարգի վերին հատվածները՝ կերակրափող, ստամոքս և 12-մատնյա աղու դիստալ հատվածների լորձաթաղանթների վիճակը, հայտնաբերել բորբոքումները և խոցերը, նեոպլաստիկ փոփոխությունները և այլն:
Էնդոսկոպիայի բժիշկ Լիլիթ Ալեքսանյանը նշում է, որ «Մուրացան» համալսարանական հիվանդանոցում առկա գերժամանակակից, միջազգային ստանդարտներին համապատասխան Olympus մակնիշի CV 170 մոդելի էնդոսկոպիկ համակարգը՝ ստանդարտ և ultraslim գաստրոսկոպերը, թույլ են տալիս հետազոտել երեխաներին՝ սկսած նորածնային տարիքից:
Համալսարանական կլինիկայում հետազոտվում են տարեկան մոտ 700 հիվանդներ տարբեր տարիքային խմբերից, ճշգրիտ ախտորոշվում բորբոքային և խոցային հիվանդություններ, կերակրափողի և ստամոքսի քիմիական այրվածները, զարգացման անոմալիաները, հազվադեպ հանդիպող հիվանդությունները:
Մասնագետի խոսքով՝ նման էնդոսկոպիկ համակարգը, ապահովելով մաքսիմալ լավ տեսանելիություն, բարձրացնում է հետազոտության որակը՝ տալով ճիշտ ախտորոշում, որն էլ իր հերթին ճիշտ բուժում կատարելու համար անչափ կարևոր նախապայման է:
Լիլիթ Ալեքսանյանը մանրամասնում է նաև երեխաներին գաստրոսկոպիա կատարելու ցուցումների մասին`
- Պերսիստող էպիգաստրալ ցավ
- Դիսֆագիա
- Սննդից կայուն հրաժարում
- Էպիգաստրալ ցավ կամ դիսկոմֆորտ,որն ուղեկցվում է քաշի կորուստով
- Ռեֆրակտեր Fe դեֆիցիտային անեմիա
- Պորտալ հիպերտենզիա`վարիկոզ երակներ
- ԳէՌՀ
- Օտար մարմին
- Աղեստամոքսային արյունահոսություն
- Կերակրափողի քիմիական այրվածք առաջացնող նյութեր խմելը:
Մասնագետը հորդորում է որևէ ախտանշան նկատելու դեպքում դիմել բժշկի՝ հետագա բարդություններից խուսափելու համար: