Երեխայի առողջությունը ամենաթանկն է յուրաքանչյուր ծնողի համար:
Երեխաների սրտի առողջությունն ունի որոշակի առանձնահատկություններ։ Որոշ խնդիրներ և սրտի բնածին արատներ երկար ժամանակ կարող են լինել անախտանիշ և որևէ կլինիկական դրսևորում չունենալ։
Այդ պատճառով սրտաբան Շողեր Աղաջանյանը նշում է, որ շատ կարևոր է դիմել մանկական սրտաբանի ոչ միայն գանգատների առկայության դեպքում, այլև դրանց բացակայության դեպքում։ Քանի որ շատ խնդիրների առաջացումը ավելի հեշտ է կանխարգելել, քան բուժել։ Ժամանակին կատարված զննումը օգնում է գնահատել երեխայի սրտի աշխատանքը, հայտնաբերել հնարավոր փոփոխությունները և ապահովել երեխայի առողջ զարգացումը։
Խորհրդատվության ընթացքում իրականացվում է երեխայի օբյեկտիվ զննում (ճնշման չափում, սատուրացիայի որոշում, սրտի աուսկուլտացիա, պուլսերի շոշափում), ԷԿԳ-ի գնահատում, և անհրաժեշտության դեպքում տրվում են հետագա հետազոտությունների կամ բուժման վերաբերյալ մասնագիտական խորհուրդներ։ Ինչպես նաև ցանկալի է, որ յուրաքանչյուր երեխա կյանքի ընթացքում գոնե մեկ անգամ անցնի սրտի էխոսրտագրություն։
Պարտադիր անհրաժեշտ է դիմել մանկական սրտաբանի, եթե երեխան գանգատվում է՝
- սրտի արագ կամ անկանոն աշխատանքից
- սրտխփոցներից
- ֆիզիկական ակտիվության ժամանակ հոգնածությունից
- առկա է ցիանոզ (կապտություն)
- մանկաբույժը սրտում աղմուկ է լսել
- կան ԷԿԳ-ի փոփոխություններ
- կամ պարզապես ցանկանում եք համոզվել, որ երեխայի սիրտը լիովին առողջ է
Երիտասարդ բժիշկը յուրաքանչյուր փոքրիկի մոտենում է անհատական ուշադրությամբ, հոգատարությամբ և պատասխանատվությամբ, որպեսզի ծնողները ստանան հստակ, հասկանալի և վստահելի տեղեկատվություն իրենց երեխայի առողջության մասին։
Գրանցվելու կամ լրացուցիչ հարցերի դեպքում կարող եք զանգահարել +37496899816 հեռախոսահամարով: