Գիտագործնական հերթական կոնֆերանսը նվիրված էր մանկաբուժությունում հակաբակտերիալ թերապիայի կիրառմանը:
Մանկաբուժության թիվ 1 կլինիկայի բժիշկ Գոհար Մարգարյանը խոսելով համալսարանական լսարանին ներկայացվող թեմայի արդիականության մասին ընդգծեց, որ Առողջապահության համաշխարհային կազմակերպության տվյալների համաձայն` հակաբիոտիկների կիրառումը ամբողջ աշխարհում բավականին բարձր թվերի է հասնում:
Մանկաբույժի փոխանցմամբ` ոչ ռացիոնալ հակաբակտերիալ թերապիայի կիրառումը բարձրացնում է ռիսկը հակաբիոտիկների նկատմամբ բակտերաների կայունության առաջացման, որը համաշխարհային խնդիր է առողջապահության համակարգի համար:
Բժիշկ Մարգարյանը նշեց, որ հակաբակտերիալ թերապիա նշանակելի մասնագետները պետք է հիշեն հետևյալ սկզբունքները`
- Հակաբիոտիկները չունեն հակավիրուսային ազդեցություն
- Հակաբիոտիկների ոչ ռացիոնալ օգտագործումը կարող է բերել բակտերայի կայունության առաջացման
- Հակաբիոտիկները կարող են պացիենտի մոտ առաջացնել ոչ ցանկալի ռեակցիաներ:
Հիշեցնենք, որ դեկտեմբերի 28-ին գիտագործնական կոնֆերանսների շարքն այս տարի համալսարանական հիվանդանոցում կեզրափակվի խաղ-մրցույթի անցկացմամբ, որն ընդգրկելու է հարցեր բժշկագիտության ամենատարբեր ոլորտներից. կանցկացվի հետաքրքիր քուիզ, ապա` կլինիկական դեպքերի քննարկում։
