«Մուրացան» համալսարանական հիվանդանոցի Էնդոկրինոլոգիայի կլինիկայի բժիշկ, ԵՊԲՀ Էնդոկրինոլոգիայի ամբիոնի դասախոս Լուսինե Քալանթարյանն անդրադարձել է շաքարային դիաբետի ժամանակ սպորտով անվտանգ զբաղվելուն, նշելով մի քանի կարևոր փաստ:
Մասնագետի խոսքով՝ ֆիզիկական ակտիվությունը օրգանիզմը դարձնում է ավելի զգայուն ինսուլինի հանդեպ, ինչը պահպանվում է 24-48ժ ընթացքում։
Եթե ինսուլին ենք օգտագործում, ապա մեծանում է հիպոգլիկեմիայի ռիսկը առավելապես առաջիկա 24 ժամվա ընթացքում։
30 րոպեն գերազանցող ֆիզիկական ակտիվությունը պահանջում է դեղաչափի փոփոխություն կամ լրացուցիչ ածխաջրերի ընդունում. բանան, հյութ, շոկոլադ, գրանոլա բար:
Էնդոկրինոլոգը խորհուրդ է տալիս սպորտից առաջ ուտել ածխաջրերով հարուստ, ճարպի ցածր պարունակությամբ սնունդ, իսկ սպորտից հետո՝ ածխաջրերով և սպիտակուցներով հարուստ սնունդ, ինչպես հիպոգլիկեմիան կանխելու այնպես էլ մկանների վերականգնման համար։