Մանկական հասակում ամենահաճախ հանդիպող պաթոլոգիաներից են միզուղիների վարակը և պիելոնեֆրիտը։
Ինչպիսի ախտանիշների են բնորոշ միզուղիների վարակին
Մանկաբուժության թիվ 2 կլինիկայի բժիշկ, նեֆրոլոգ Հեղինե Կիրակոսյանը նշում է, որ նորածինների շրջանակում հիվանդությունը կարող է ընթանալ ասիմպտոմ՝ ընդհանուր թուլություն, ախորժակի անկում, փորլուծություն, փսխում, չափավոր դեղնուկ, ջերմության բարձրացում, որն էլ կարող է հանգեցնել նեոնատալ սեպսիսի։
Երկու տարեկանից ցածր երեխաների շրջանում կարող է դիտվել ջերմության բարձրացում, դիսպեպսիա, մեզից տհաճ հոտ։
Երկու տարեկանից բարձր՝ կարող է զարգանալ սուր ցիստիտ կամ պիելոնեֆրիտ, դրանք են դիզուրիկ երևույթներ, ցավ վերցալքային շրջանում, ջերմության բարձրացում, որն ընթանում է դողով և սարսուռով, գոտկային շրջանի ցավերով։
Մանկաբույժի փոխանցմամբ` տվյալ հիվանդության զարգացմանն են բերում գրամ բացասական և գրամ դրական մանրէները,
Սնկային ախտահարումները բնորոշ են ցածր իմունիտետ ունեցող հիվանդներին։
Ինչ հետազոտություններ են անհրաժեշտ պաթոլոգիան հայտնաբերելու համար
- մեզի ընդհանուր քննություն
- մեզի բակ քննություն
- արյան ընդհ․ քննություն
- բիոքիմիական քննություն
- որովայնի սոնոգրաֆիկ քննություն
- մանկական գինեկոլոգի զննում
Առկա են նաև միզային համակարգի բնածին անոմալիաներ, որոնց դեպքում անհրաժեշտ է կատարել գործիքային հետազոտություն։
Վերը նշված պաթոլոգիաների բուժումը և հետազոտումը իրականացվում է «Մուրացան» համալսարանական հիվանդանոցի ստացիոնար պայմաններում` նեղ մասնագետի կողմից։
Խորհրդատվության համար կարող եք զանգահարել 010 301000 ներքին 561: