Էնդոկրինոլոգիայի համալսարանական կլինիկան սպասարկում է և՛ մեծահասակների, և՛ երեխաների:
Այն հագեցած է ինֆուզամատով, գլիկոզիլացված հեմոգլոբինը որոշող սարքավորումով (Afinion), գլյուկոզի շարունակական մոնիտորինգի համակարգով (Ipro2) և տեխնիկական այլ միջոցներով:
Կլինիկայում հետազոտվում, ախտորոշվում և բուժվում են էնդոկրին հետևյալ հիվանդությունները`
շաքարային դիաբետ ոչ շաքարային դիաբետ վահանաձև գեղձի հիվանդություններ ճարպակալումմազակալում մակերիկամների հիվանդություններ էնդոկրին այլ հիվանդություններ
Երեխաների մոտ նաև հետազոտվում, ախտորոշվում և բուժվում են բազմաթիվ հիվանդություններ՝
աճի դանդաղումն ու ֆիզիկական թերզարգացումը, սեռական թերզարգացում ու վաղաժամ սեռական հասունացումըԷնդոկրինոլոգիայի կլինիկայում մշտապես գործում է շաքարային դիաբետի դպրոցը՝ դիաբետով հիվանդ երեխաների, նրանց ծնողների, ինչպես նաև մեծահասակ հիվանդների համար:
2016 թվականից կլինիկայում կատարվում է ինսուլինային պոմպաների տեղադրում, ինչպես նաև գործում է գլյուկոզայի շարունակական մոնիտորինգի ծառայությունը:
«Մուրացան» համալսարանական հիվանդանոցային համալիրի Էնդոկրինոլոգիայի կլինիկան հանդիսանում է հանրապետության միակ մանկական էնդոկրին բաժանմունքը, որին կից գործում է մանկական հանրապետական էնդոկրինոլոգիական դիսպանսերը, որտեղ հաշվառված է տիպ 1 շաքարային դիաբետ ունեցող շուրջ 460 երեխա, ինչպես նաև բնածին հիպոթիրեոզ, մակերիկամների կեղևի բնածին դիսֆունկցիա, կարճահասակություն ունեցող երեխաները:
Սիրելի բուժառուներ, հնարավորություն ունեք, Էնդոկրինոլոգիայի կլինիկայի մասնագետների մոտ այցն ամրագրել առցանց https://endomuratsan.am/ կամ զանգահարել 033471490: