«Մուրացան» համալսարանական հիվանդանոցում հաջողությամբ շարունակում է գործունեություն ծավալել գաստրոէնտերոլոգիական ծառայությունը:
Ծառայությունը հնարավորություն է ընձեռել Հայաստանի մարզերից և Երևանից տարեկան շուրջ 500 երեխայի պատշաճ հետազոտվելու, ստանալու ճշգրիտ ախտորոշում և բուժում։
Գաստրոէնտերոլոգիական ծառայության ստեղծումը և շարունակական ընդլայնումը կարևոր քայլ է երեխաների շրջանում բնածին և ձեռքբերովի հիվանդությունների առավել արդյունավետ ախտորոշման և բուժման համար:
Մանկաբուժության թիվ 2 կլինիկայի մանկաբույժ-գաստրոէնտերոլոգ, Մանկաբուժության թիվ 1 ամբիոնի դասախոս Օլգա Ասատրյանը նշում է, հիվանդների զգալի տոկոս են կազմում B տիպի քրոնիկ գաստրիտները՝ HP վարակով ասոցացված։
Զգալի տոկոս են կազմում նաև փորկապություն ունեցող երեխաները, որտեղ խիստ անհրաժեշտ է տարբերակիչ ախտորոշումը՝ պարզելու համար արդյո՞ք փորկապության պատճառները միայն ֆունկցիոնալ են ,ալիմենտար կամ վարքագծային, թե՞ դրա տակ թաքնված է օրգանական խնդիր (ցելակիա, բնածին արատներ, էնդոկրին խնդիրներ և այլն):
Ծառայությունը մեծ պատասխանատվությամբ և ի շահ երեխաների իրականացնում է մի շարք քրոնիկ պաթոլոգիաների ստացիոնար ախտորոշման և հետագա վարման գործընթացը։
Այստեղ կատարվում են նաև ամբուլատոր խորհրդատվություններ, օգնում ծնողին հնարավորինս հեշտ կազմակերպել բուժումը, շտկել կամ կորեկցել սննդակարգը, գնահատել աճը և այլն, եթե երեխան չունի ստացիոնար հետազոտման անհրաժեշտություն:
Հարցերի դեպքում կամ խորհրդատվության համար կարող եք դիմել «Մուրացան» համալսարանական հիվանդանոցի գաստրոէնտերոլոգիական ծառայություն՝ զանգահարելով 010301000 (ներքին՝ 559) հեռախոսահամարով։