Դիմածնոտային շրջանի բնածին արատների շարքում արտաքին քթի խուղակները հազվադեպ են հայտնաբերվում:
Դրանք առաջանում են երեխայի էմբրիոնալ զարգացման ընթացքում էպիթելային սաղմերի մնացորդների պատճառով` համապատասխան էմբրիոնալ ճեղքերին: Մանկական դիմածնոտային վիրաբուժության և ԼՕՌ կլինիկայի ղեկավար Քրիստինա Վարդանյանի խոսքով` այս հիվանդության բուժումը միայն վիրահատական է:
Վիրահատված հերթական պացիենտը երկու տարեկան է:
Նորածնային հասակում ծնողները նկատել էին քթի մեջքի շրջանում փոքր անցք:
Բժշկի փոխանցմամբ` երեխայի աճի հետ տվյալ անցքից մշտապես առկա էր արտադրություն: Վիրահատությունից հետո երեխան հսկվում է համալսարանական մասնագետների կողմից շուրջ վեց ամիս, ռեցիդիվ չկա:
Հեռացված խուղակն ուղարկվել է պաթոհյուսվածքաբանական քննության և համապատասխանում է նախնական ախտորոշմանը:
Եղե՛ք առողջ և հետևեք փոքրիկների ԴԾՎ (դիմածնոտային վիրաբուժական) խնդիրներին հնարավորինս վաղ տարիքից: