Ձմռանն ակտիվանում են ոչ միայն վերին շնչուղիների վարակները, այլև աղիքային ինֆեկցիաները:
Համալսարանական հիվանդանոցի Ինֆեկցիոն հիվանդությունների կլինիկայում տարեկան հոսպիտալացվում է շուրջ 1100 երեխա, որոնց գրեթե կեսը աղիքային վարակով երեխաներ են:
Կախված տարվա ժամանակաշրջանից, սեզոնից առկա է այս կամ այն վարակի գերակայում, բայց որպես կանոն շուրջ կեսը աղիքային վարակներ են, որոնց տարածման աղբյուրը հիմնականում ախտահարված սնունդն է, սննդակարգի ոչ ճիշտ պահպանումը, ձեռքերի հիգիենայի կանոնների խախտումները:
Թեմային անդրադարձել է«Մուրացան» համալսարանական հիվանդանոցային համալիրի գլխավոր բժիշկ, Ինֆեկցիոն հիվանդությունների կլինիկայի ղեկավար Հռիփսիմե Ապրեսյանը: