Սեպտոպլաստիկան վիրահատական միջամտություն է, որը կատարվում է, երբ առկա է քթի միջնապատի ծռվածություն։
Բժիշկ-մանկական քիթ-կոկորդ-ականջաբան Շուշանիկ Սահակյանի փոխանցմամբ՝ վիրահատությունը ցուցված է հետևյալ կլինիկական նշանների առկայության դեպքում․
- Քթային դժվարաշնչություն
- Քթի և բերանի խոռոչի չորություն
- Գլխացավեր
- Խռմփոց
- Քնի խանգարումներ կամ քնի օբստրուկտիվ ապնոե համախտանիշ
- Եթե առկա են բարդություններ՝ քթի հարակից խոռոչների և ականջների բորբոքումներ
Բժիշկը թեմայի շուրջ հաճախ տրվող հարցերին է անդրադարձել։ Եվ այսպես,
Ո՞ր տարիքում է ցուցված կատարել սեպտոպլաստիկա
- Վիրահատության համար առավել անվտանգ տարիք է համարվում աղջիկների դեպքում՝ 14 տարեկանից, իսկ տղաների համար՝ 16 տարեկանից սկսած։
- Սակայն խիստ արտահայտված միջնապատի ծռվածության դեպքում, որը հանգեցնում է ծանր դժվարաշնչության, սեպտոպլաստիկան կարելի է կատարել նույնիսկ ավելի վաղ տարիքում։
Ինչպե՞ս է կատարվում վիրահատությունը
- Վիրահատությունը կատարվում է ընդհանուր անզգայացման պայմաններում։
- Վիրահատությունից հետո քթային անցուղիներում տեղադրվում են հատուկ տամպոններ, որոնք թույլ են տալիս շնչել հետվիրահատական շրջանում, իսկ դրանց հեռացումը բացարձակ անցավ է։
- Պացիենտը հիվանդանոցում մնում է 1-2 օր։
- Վիրահատությունից հետո խորհուրդ է տրվում ֆիզիկական ակտիվության սահմանափակում՝ 2 շաբաթ։
Կարևոր է իմանալ, որ սեպտոպլաստիկայից հետո արտաքին քթի ձևի փոփոխություն չի լինում։
Նշենք, որ 0–18 տարեկան երեխաներին վիրահատական այս միջամտությունը կատարվում է պետական պատվերի շրջանակում։
Մանրամասների և խորհրդատվական այցն ամրագրելու համար զանգահարեք՝ 098 90 89 51 հեռախոսահամարով։