Մանկաբուժության թիվ 1 ամբիոնի դասախոս, մանկաբույժ Սաթենիկ Հարությունյանը ներկայացրել է տեսանյութային դասախոսություն՝ նվիրված մեկոնիումով պայմանավորված աղիքային օբստրուկցիայի թեմային։
Առցանց դասախոսությունը միտված է նորածնային շրջանում հանդիպող այս խնդրի ժամանակակից ընկալմանը, ախտորոշման ճշգրիտ մեթոդների և բուժական արդյունավետ մոտեցումների տարածմանը։
Բժիշկ Հարությունյանը մանրամասն անդրադառնում է հիվանդության պաթոգենեզին, կլինիկական դրսևորումներին և շեշտադրում է վաղ հայտնաբերման ու թիմային աշխատանքի կարևորությունը՝ նորածնի կյանքի որակը պահպանելու և բարդություններից խուսափելու նպատակով։
Նյութը նախատեսված է նեոնատոլոգների, մանկաբարձ գինեկոլոգների, ռադիոլոգների և վիրաբույժների համար, ովքեր ձգտում են շարունակաբար կատարելագործվել և ներդնել մանկաբուժական գիտության վերջին ձեռքբերումները Հայաստանում։