«Մուրացան» համալսարանական հիվանդանոցի Էնդոկրինոլոգիայի կլինիկայի բժիշկ-օրդինատոր, ԵՊԲՀ էնդոկրինոլոգիայի ամբիոնի դասախոս Գայանե Բայբուրդյանը Aravot.am-ի «Առողջ առավոտ» նախագծի շրջանակում զրուցել է վիտամին D-ի հետ կապված հարցերի շուրջ:
Մասնագետի խոսքով՝ վիտամին D-ն ճարպալույծ վիտամին է, որը նպաստում է օրգանիզմում կալցիումի և ֆոսֆորի ներծծմանը։ Այս վիտամինի դերը կարևոր է ոսկրերի, ատամների ամրության պահպանման, մկանային, նյարդային, իմունային համակարգերի աշխատանքի մեջ։
Վիտամին D-ի մասին կարծիքները, առհասարակ, տարբեր են ու երբեմն՝ շատ իրարամերժ։ Այս վիտամինը որպես քննություն, այսինքն՝ որպես անալիզ սկսել են որոշել մի քանի տարի առաջ միայն։