ԵՊԲՀ նյարդաբանության ամբիոնի ավագ դասախոս, Ախտորոշիչ կենտրոնի մանկական նյարդաբան Լիլիթ Գալստյանն անդրադարձել է երեխաների շրջանում գլխացավերի տարածվածությանը և դրանց հիմնական պատճառներին։
Մասնագետի խոսքով՝ գլխացավերը հանդիպում են տարիքային բոլոր խմբերում, սակայն դրանց տարածվածությունը հատկապես բարձր է երեխաների շրջանում՝ սկսած մեկ տարեկանից մինչև դեռահասություն։
Ժամանակակից տվյալների համաձայն՝ գլխացավեր ունի երեխաների շուրջ 60 տոկոսը, ինչը խնդիրը դարձնում է արդիական և ուշադրության արժանի մանկական առողջության ոլորտում։