Ե՞րբ է անհրաժեշտ կատարել նեյրոսոնոգրաֆիա
Նեյրոսոնոգրաֆիան (ՆՍԳ) գլխուղեղի ուլտրաձայնային հետազոտություն է, որի իրականացման համար անհրաժեշտ է բաց գաղթունի առկայություն:
«Մուրացան» համալսարանական հիվանդանոցային համալիրի Ախտորոշիչ կենտրոնի և պոլիկլինիկայի բժիշկ-սոնոգրաֆիստ Մելինա Ալոյանի փոխանցմամբ` հետազոտությունը բացարձակապես անցավ է, անվտանգ, չունի հակացուցումներ:
Կատարվում է ինչպես հասուն, այնպես էլ անհաս նորածիններին՝ սկսած կյանքի առաջին ժամերից:
Բժիշկ-սոնոգրաֆիստը ներկայացնում է նեյրոսոնոգրաֆիա կատարելու ցուցումները՝ նշելով, թե որ դեպքում է անհրաժեշտ հետազոտել բուժառուին:
- Գլխի տրավմաներ
- Բնածին արատներ
- Ներարգանդային ինֆեկցիաներ
- Ներարգանդային կամ հետծննդաբերական թթվածնային քաղց (ասֆիքսիա)
- Անհասություն
- Նեոնատոլոգի, մանկաբույժի, նյարդաբանի ցուցում
- Գենետիկական հիվանդություն
- Պրոֆիլակտիկ հետազոտություն
ՆՍԳ-ի օգնությամբ հնարավոր է գնահատել
- Ներգանգային արյունազեղումները
- Հիդրոցեֆալիան կամ փորոքային համակարգի լայնացումները (պոստհեմոռագիկ, ինֆեկցիոն բնույթի)
- Գլխուղեղի հիպոքսիկ, իշեմիկ ախտահարումներ
- Գլխուղեղի զարգացման անոմալիաներ
- Ուռուցքներ, կիստաներ
- Ինֆեկցիոն հիվանդություններ (մենինգիտ, ներարգանդային CMV- ցիտոմեգալովիրուս)
- Sagittal sinus -ի թրոմբոզ
- Գլխուղեղի անոթների պաթոլոգիաներ:
Հարցերի դեպքում կամ հերթագրվելու համար զանգահարեք Ախտորոշիչ կենտրոն՝ +37410301000 (ներքին կոդ՝ 505, 506) կամ +37491030405 հեռախոսահամարներով: