|
  • Русский
  • English

Գլխացավերի տեսակներն ու պատճառները

«Մուրացան» համալսարանական հիվանդանոցի ախտորոշիչ կենտրոնի նյարդաբան, ԵՊԲՀ նյարդաբանության ամբիոնի ավագ դասախոս Լիլիթ Գալստյանը նշում է, որ մանկական տարիքի գլխացավերի շրջանակը լայն է, իսկ հիմքում ընկած են էթիոլոգիան տարբեր գործոններ:

Երեխաների գլխացավի ախտանշաններն ու ֆենոտիպերը՝ մեծահասակների համեմատ, կարող են փոքր-ինչ տարբերվել: Կարևոր է առաջնահերթ տարանջատել առաջնային և երկրորդային գլխացավերը՝ նյարդաբանական հետազոտության միջոցով:

Առաջնային գլխացավերից ամենատարածվածը լարվածության տիպի գլխացավերն ու միգրենն են: Ուսումնասիրությունները ցույց են տվել, որ լարվածության տիպի գլխացավերն ավելի մեծ տարածվածություն ունեն, չնայած միգրենոզ գրոհները ավելի հաճախակի հիվանդանոց այցելությունների պատճառ են:

Գրեթե յուրաքանչյուր 10 երեխայից մեկը կրկնվող գլխացավեր է ունենում միգրենի պատճառով, ինչը զգալիորեն վատթարացնում է դպրոցում երեխայի առաջադիմությունը, խանգարում առօրյա ֆիզիկական ակտիվությանը և բացասաբար ազդում կյանքի որակի վրա:

 Մինչև ցավի սկիզբը, փոքր երեխաների 1/3-ը և դեռահասների 2/3-ը ունենում են նախազգուշական ախտանշաններ, ինչպիսիք են դեմքի գունատությունը, հոգնածությունը, դյուրագրգռություն, տրամադրության փոփոխությունները, մտածելու դժվարությունը, գլխապտույտը, հոգնածությունը և հորանջելը:

Եթե երեխան նշում է միակողմանի թուլության, թմրածություն մասին, վերջինս կարող է հազվադեպ հանդիպող ընտանեկան հեմիպլեգիկ միգրենի պատճառ լինել:

Լույսի և ձայնի նկատմամբ զգայունությունը, սրտխառնոցն ու փսխումը համարվում են միգրենի ախտորոշիչ չափանիշները:

Երբեմն երեխաները չեն կարող կամավոր ներկայացնել գլխացավով ուղեկցվող այլ ախտանիշներ, ուստի նրանց պետք է հստակ հարցնել, թե արդյոք նա տեսնում է լրացուցիչ բծեր, լույսեր կամ գծեր:

Ճշգրիտ ախտորոշումը, կառավարումը և դեղերի համապատասխան ընտրությունը օգտակար են արդյունավետ բուժման համար, սակայն սուր և կանխարգելիչ բուժման մոտեցումները, որոնք ներկայումս առկա են, օգնում են միգրենով հիվանդ երեխաների առնվազն երկու երրորդին, և մանկական պրակտիկայում թերապիայի մի քանի նորագույն փորձարկումները ապագայի հույս են տալիս:

 Հարցերի դեպքում կարող եք զանգահարել Ախտորոշիչ կենտրոն 010301000 հեռախոսահամարով, ներքին կոդ՝ 505, 506:

Ինչպես կարող ենք ձեզ օգնել