Սեպտեմբերի սկզբին «Մուրացան»-ում անցկացվեց 2024-2025 ուսումնական տարվա գիտագործնական առաջին կոնֆերանսը:
Քննարկման թեման վերաբերում էր ուլտրաձայնային հետազոտության միջոցով բարդացած Մեկելյան դիվերտիկուլի նախավիրահատական ախտորոշմանը:
Թեման ներկայացրեցին Ախտորոշիչ կենտրոնի բժիշկ-ռադիոլոգ Մելինա Ալոյանը և Ընդհանուր և նորածնային վիրաբուժական ծառայության մանկական բժիշկ-վիրաբույժ Արսեն Շահնազարյանը:
Մեկելյան դիվերտիկուլը դեղնուցածորանի բնածին զարգացման արատ է, որը արտահայտվում է զստաղու միջընդերքի հակառսկ կողմի արտափքմամբ:
Այն կարող է արտահայտվել որովայնի ցավով, (բնորոշ ապենդիցիտին), աղիքային արյունահոսությամբ, աղիքային անանցելիությամբ, աղիքի թափածակմամբ:
Վերոհիշյալ գանգատների դեպքում անհրաժեշտ է դիմել վիրաբույժի, կատարել ուլտրաձայնային հետազոտություն:
Ախտորոշումը հաստատվելու դեպքում բուժումը վիրահատական է:
Ինչպես միշտ քննարկվող նյութի վերաբերյալ կոլեգաները բազմաթիվ հարցեր հղեցին:
