|
  • Русский
  • English

Սպիրոմետրիա. ցուցումներ ու հակացուցումներ

Ինչ է սպիրոմետրիան

Սպիրոմետրիան  հետազոտություն է, որը որոշում է թոքերում օդի տարողությունը, գնահատում օդի հոսքերը ներշնչելիս և արտաշնչելիս, դրանց նկատմամբ խոչընդոտների առկայությունը:

Սիրելի պացիենտներ, տեղեկացնում ենք, որ «Մուրացան» համալսարանական հիվանդանոցում գործում է Սպիրոմետրիայի ծառայություն:

Մանկաբուժության թիվ 1 ամբիոնի դասախոս, Մանկաբուժության թիվ 1 կլինիկայի մանկաբույժ Սաթենիկ Հարությունյանը պատասխանել է սպիրոմետրիայի մասին հաճախ տրվող հարցերին:

 

Որոնք են սպիրոմտրիայի ցուցումները

Սպիրոմետրիան կատարվում է միայն բժշկի ցուցումով և ուղղորդումով

  • Ասթմայի ախտորոշում և վերահսկում
  • Մուկովիսցիդոզի կամ ենթաստամոքսային գեղձի կիստոզ ֆիբրոզի ժամանակ թոքերի ֆունկցիայի վերահսկում
  • Դժվարաշնչության, քրոնիկ հազի, սուլող շնչառության ախտորոշում՝ ըստ մասնագիտական ցուցումների
  • Որոշ հիվանդությունների ժամանակ թոքերի ֆունկցիայի որոշում վիրահատությունից առաջ՝ ըստ անեսթեզիոլոգի ցուցման նախավիրահատական ռիսկի գնահատման նպատակով
  • Թոքերի քրոնիկ օբստրուկտիվ հիվանդության ախտորոշում և վերահսկում
  • Թոքերի ֆիբրոզով ընթացող հիվանդությունների վերահսկում
  • Թոքային հիվանդությունների ռիսկի խմբի հետազոտություն/պրոֆեսիոնալ հիվանդություններ, վնասակար ինհալյացիոն ագենտների ազդեցություն, հետկովիդ/
  • Նախքան ինտենսիվ ֆիզիկական ակտիվություն սկսելը թոքերի ֆունկցիայի գնահատում/որոշ սպորտաձևերով զբաղվելուց առաջ/

Երեխաների շրջանում, որ տարիքից է կատարվում հետազոտությունը

  • Մասնագետի բավարար հմտության դեպքում այն կարելի է կատարել 4 տարեկանից, իսկ պակաս հմտության դեպքում՝ 6-7 տարեկանից

Ինչպես նախապատրաստվել հետազոտությանը

  • Սննդի, գազավորված ըմպելիքի ընդունումը  հետազոտությունից 1 ժամ առաջ
  • Խուսափել ինտենսիվ ֆիզիկական ակտիվությունից հետազոտությունից մոտ 30 րոպե առաջ
  • Բացառել ծխախոտի ազդեցությունը հետազոտությունից 1 ժամ առաջ, մեծահասակ ծխողները պետք է ծխեն վերջին ծխախոտը հետազոտությունից 1 ժամ առաջ
  • Սպիրոմետրիա հետազոտության ժամանակ կրել կրծքավանդակը չճնշող հագուստ
  • Սպիրոմետրիայից առաջ դադարեցնել որոշ առանց դեղատոմսերի, օրինակ խորխաբերներ, օգտագործումը, 6 ժամ/12 ժամ առաջ բրոնխները լայնացնող կարճատև (սալբուտամոլ) և երկարատև (սալմետերոլ, ֆորմետերոլ)* ազդեցության դեղամիջոցների ընդունումը
  • Շարունակել ինհալյացիոն սթերոիդները
  • COVID 19 կասկածի դեպքում ուղեգրող բժշկի կողմից պարտադիր է հաստատումը բացակայության մասին

*Երկարատև ազդեցույթյան բրոնխալայնիչներ են պարունակում են Սերետիդը, Սիմբիկորտը:

 

Արդյոք անվտանգ է սպիրոմետրիան

Սպիրոմետրիան անվտանգ հետազոտություն է:

  • Երբեմն պացիենտները հետազոտությունից հետո մի քանի րոպե կարող են ունենալ դժվար շնչառություն, գլխապտույտ
  • Հազվադեպ հետազոտության ընթացքում առաջանում են շնչառության խանգարումներ ՝ հիպերվենտիլյացիոն համախտանիշ
  • Սպիրոմետրիայի ժամանակ կարող են հաճախանալ սրտի կծկումները և համապատասխան խնդիրների դեպքում սպիրոմետրիա կատարող մասնագետը պետք է տեղեկացվի, թե պացիենտի թե ուղեգրող բժշկի կողմից:

Ինչպես է իրականացվում  հետազոտությունը

  • Հետազոտությունն իրականացվում է սարքավորումով, որը կոչվում է սպիրոմետր։ Սպիրոմետրը պետք է համապատասխանի ISO 26782 ստանդարտներին
  • Սպիրոմետրիան իրականացվում է մի քանի մանևրներով, մի քանի անգամ։ Կատարվող հետազոտությունը պետք է լինի ընդունելի՝ ճշգրիտ ստյալներ ստանալու համար
  • Բրոնխների վրա դեղերի ազդեցությունը գնահատելու համար մասնագետը կարող է առաջարկել բրոնխալայնիչով թեստ

Պայմաններ, որ պետք է պահպանվեն սպիրոմետրիան իրականացնելիս

  • Սենյակի ջերմաստիճան
  • Անպայման միանվագ օգտագործման բաժակներ՝ հիվանդին ջուր առաջարկելու համար
  • Անձեռոցիկ՝ շնչառական սեկրետներից ազատվելու համար
  • Գերադասելի է միանվագ տուրբինով մուշտուկ, կամ հակաբակտերիալ հակավիրուսային մուշտուկի օգտագործում բազմակի օգտագործման տուրբինով սպիրոմետրիայի ժամանակ
  • Վարակի տարածման խիստ վերահսկում
  • Կարճատև բրոնխալայնիչ օգտագործող պացիենտին խնդրել ներկայանալ իր բրոնխալայնիչով

Աշխատանք երեխաների հետ

Երեխաների սպիրեմոտրիան ժամանակատար է

  • Ծնողին պետք է բացատրել երեխաների սպիրոմետրիայի առանձնահատկությունները
  • Երեխային պետք է բացատրել և ծանոթացնել հետազոտությանը, բացատրել, որ այն անվտանգ է, կիրառել անիմացիոն սպիրոմետրիա ըստ անհրաժեշտության:

Ինչն է ազդում սպիրոմետրիայի ցուցանիշների վրա

  • Հազ
  • Արտաշնչման վաղաժամ ավարտելը, երբ նաև չի կարողանում արտաշնչել
  • Փչելու թույլ կամ անբավարար ուժը
  • Օդի կորուստը ՝բերանը ոչ լրիվ փակելու դեպքում
  • Խցանված մուշտուկը

Որոնք են սպիրոմետրիայի հակացուցումները

  • Նախորդող կրծքավանդակի կամ որովայնի խոռոչի, աչքի վիրահատություններ, սպիրոմետրիան կատարվում է վիրահատությունից ամիսներ անց՝ ըստ բժշկի ցուցման
  • Սրտի սուր հիվանդություն, չվերահսկվող զարկերակային հիպերտենզիա
  • Անևրիզմ
  • Անհայտ պատճառի արնախում
  • Պնևմոթորաքս
  • Սրտխառնոց և փսխում
  • Նոր ախտորոշված սուր տուբերկուլյոզ
  • Հաղորդակցման խնդիրները կամ վարքային խանգարումները հարաբերական հակացուցում են

Շնչառական սուր վարակները հակացուցում չեն, սակայն կարող են ազդել սպիրոմետրիայի տվյալների վրա։

Գրանցվելու համար կարող եք զանգահարել աշխատանքային օրերին  11։30-13։30-ը 094244906 հեռախոսահամարով:

 

Ինչպես կարող ենք ձեզ օգնել