Դիմածնոտային վիրաբուժության քիթ-կոկորդ-ականջաբանական և ստոմատոլոգիական ծառայության կլինիկայի մասնագետները հունիսի 15-ին հյուրընկալել էին իտալացի անվանի վիրաբույժ, պրոֆեսոր Դոմենիկո Սկոպելլետիին, ով «Մուրացան» համալսարանական հիվանդանոցում իրականացրեց դիմածնոտային շրջանի հիվանդությունների, բնածին արատների դիմածնոտային շրջանի ուռուցքների, ուռուցքանման գոյացությունների անվճար խորհրդատվություն:
Դոմենիկո Սկոպելլետին Հռոմի San Filippo Neri հոսպիտալի դիմածնոտային վիրաբուժության բաժանմունքի ղեկավարն է, Հռոմի Sapienza և Tor Vergata համալսարանների պրոֆեսոր:
Համալսարանական հիվանդանոցի ղեկավարությունը, դիմածնոտային բժիշկները նրա այցը շատ արդյունավետ են գնահատում:
Արտերկրի գործընկերոջ կողմից յոթ երեխա ստացավ մասնագիտական խորհրդատվություն դիմածնոտային շրջանի մի շարք խնդրիների առնչությամբ:
Մեկ երեխայի դեպքում, որի մոտ առկա էր շատ մեծ չափերի գոյացություն, պայմանավորվածություն ձեռք բերվեց վիրահատական միջամտություն իրականացնելու հենց Իտալիայում:
Հագեցած ոչ աշխատանքային օրը հետագա համագործակցության ծրագրեր նախանշեց հայ և իտալացի մասնագետների միջև` բարդ դեպքերի քննարկման, նորագույն մեթոդների ներդրման, այլ ուղղություններով:
